БИШКЕК, 9-дек. — Sputnik. "Жалалабатэлектро" иншканасы Sputnik Кыргызстан агенттиги жазган материал боюнча териштирүү жүргүзөт. Бул тууралуу "Жалалабатэлектро" ишканасынын маалымат катчысы Жыпариза Үмөталиева билдирди.
Эске сала кетсек, Sputnik Кыргызстан агенттигинин журналисттери "Калк чөнтөгүн каккан "акысыз" электр эсептегичтер. Бекердин атасы өлгөнбү?" аталышында материал жазып, бекер коюлчу электр эсептегичтер акчага орнотулуп жаткандыгы боюнча тургундардын пикирин билген.
"Материалды окуп чыгып, Аксы РЭСке кайрылсак мындай көрүнүштөр жок деп жатышат. Биз ал жакка барып териштиребиз. Силердин редакцияңарга кайрылган абоненттерден бир-эки факт керек болуп жатат. Эгер чын болсо РЭСке чара көрүшүбүз керек", — деди Үмөталиева.
Sputnik Кыргызстан агенттиги аталган маселени көзөмөлгө алууну улантат.
