Президентке импичмент жарыялоонуу депутаттар колдобой турганын 1-класстагы бала да түшүнүп турат. Бул тууралуу Sputnik Кыргызстан агенттигине Борбордук шайлоо комиссиясынын мурунку жетекчиси Акылбек Сариев билдирди.
Эске сала кетсек, кечээ күнү Өмүрбек Текебаев өлкө башчыга импичмент жарыялоо аракети башталганын билдирген. Ал президент бир партияга жан үрөп жатат деген ойдо.
"Ачык айтканда импичмент жарыялаган адамдын (Текебаевдин — ред.) айткандары менен президентке импичмент жарыялоо мүмкүн эмес. Бул жөн гана саясий кадам. Анткени Атамбаевдин бир партияга жан үрөп жатат дегенин далилдөө зарыл. Ушундай чакырык таштоо менен кошумча саясий кадамга барууда. Ал (Текебаев — ред.) буга чейин компраматтарды чогулткан сайт ачкан. Бул кадам ошонун уландысы", — деди Сариев.
Ал демилгени депутаттар колдобой тургандыгын биринчи класстагы бала да түшүнүп тургандыгын кошумчалады.
