Назарали Арипов: шайлоодогу башкы көйгөй — добуш сатып алуук
Кыргызстандагы шайлоонун башкы көйгөйү — добуш сатуу. Бул тууралуу Борбордук шайлоо комиссиясынын мүчөсү Назарали Арипов маалымат жыйында билдирди.
Анын айтымында, бул көрүнүш менен коомчулук бирге күрөшүүсү керек.
"Шайлоочулардын добуш сатуусу Кыргызстандагы эң орчундуу маселе болуп саналат. Үгүт иштери башталды. Жергиликтүү кеңешке шайлоо референдум менен чогуу өтөт. Демек, добуш сатууга каршы биргеликте күрөшүүдөн жергиликтүү кеңештерге тажрыйбалуу, татыктуу депутаттардын келишин шарттайт", — деди Арипов.
Жалпы жонунан 405 жергиликтүү кеңешке, анын ичинде 21 шаардык, 384 айылдык кеңешке шайлоо өтөт.
