Нуржан Осмоналиев: кампадан чыккан өрттөн эки киши жабыркады
Кампанын күйүшүнөн Өрткө каршы агенттиктин эки кызматкери жабыркаганын аталган мекеменин жетекчиси Нуржан Осмоналиев билдирди.
Анын айтымында, өрт тууралуу маалымат түшөрү менен аталган жерге өрт өчүрүүчүлөр төрт мүнөттө барышкан.
"Андан кийин кошумча өрт өчүрүүчү унаалар тартылган. Кампада мотор майлары, баллондор, ар кандай күйүүчү суюктуктар болгон. Алдын-ала божомолдорго караганда кырсыкка зымдардын тийишип кетиши же адам фактору себеп болгон", — деди Осмоналиев.
Ал эки кызматкердин бири газдын исине ууланса, экинчиси күйүк алганын кошумчалады.
Маалыматка ылайык, учурда материалдык чыгымдар такталып жатат.
