БИШКЕК, 2-ноя. — Sputnik. Шаршемби күнү Кыргызстанга өкмөт башчы Дмитрий Медведев башында турган россиялык делегация келди. Бул тууралуу өкмөттүн маалымат кызматы блдирди.
Россия премьери Бишкекте бейшемби күнү өтө турган Шанхай кызматташуу уюмуна мүчө өлкөлөрдүн өкмөт башчыларынын 15-мааракелик жыйынына катышуу үчүн келди.
Шанхай кызматташтык уюму (ШКУ) — Кытай, Россия, Казакстан, Тажикстан, Кыргызстан жана Өзбекстандын өлкө башчылары тарабынан 2001-жылы негизделген эл аралык уюм. 2015-жылдын 10-июлунда ШКУга Индия менен Пакистандын кошулуусу боюнча процедура башталган. Уюм аталган аймакта стабилдүүлүк менен коопсуздукту бекемдөө, терроризм, сепаратизм, экстремизм, баңгизат сатуу менен күрөшүү, экономика, энергетика, илим жана маданият жаатында кызматташуу максатын көздөйт.
