БИШКЕК, 1-ноя.— Sputnik. Кыргызстандын футбол боюнча улуттук курама командасынын жарым коргоочусу Антон Землянухин "Сисакет" футбол клубунан "Сукхотай" клубуна өттү. Мындай маалымат "Сукхотай" клубунун Facebook баракчасында жарык көрдү.
30 Тогуздун айы 2016, 13:48
Аталган футболдук клубдун билдирүүсүнө ылайык, жаңы командага Землянухин 9-15-ноябрларда өтө турган Кыргызстандын Филиппин жана Бахрейнге каршы оюнунан кийин кошулат.
Футболчу ушул жылдын январь айынан бери "Сисакет" таиланддык клубунда ойночу. Сезондун жыйынтыктары боюнча "Сисакет" 13-орунду ээлеген. Ал эми Землянухин 23 мелдешке катышып, дарбазага сегиз жолу топ киргизе алган.
2015-жылы Кыргызстандын мыкты футболчусу аталган Землянухин Сербиянын премьер-лигасына "Раднички" клубунун атынан ойногон. Анда 29 оюнда дарбазага беш жолу топ киргизген.
Жаңы футболдук клубда ааталган футболчу 20-номурда ойнойт.
