Алмаз Баатырбеков: лидерликке талапкерлигимди депутаттар бир добуштан колдошту
Алмаз Баатырбеков "Кыргызстан" фракциясынын лидери болуп шайланды. Бул маалыматты Sputnik Кыргызстан агенттигине эл өкүлү өзү тастыктады.
Эске сала кетсек, буга чейин фракция лидери болгон Канат Исаев алдыдагы жергиликтүү шайлоолорго байланыштуу ордун бошотуп бергени кабарланган.
"Фракция жыйынында лидерликке менин талапкерлигим коюлуп, депутаттар бир добуштан колдоп беришти", — деди Баатырбеков.
Жаңы лидер көпчүлүк коалициясын куроо боюнча сүйлөшүүлөр боло электигин айтып, бүгүн түштөн кийин башталарын кошумчалады.
