БИШКЕК, 24-окт. — Sputnik. АКШнын президенттигине талапкерлигин коюп жаткан республикачы Дональд Трамптын жылаңачтанган эстелиги тоорукта 22 миң долларга сатылды. Бул туурасында РИА Новости CBS Los Angeles телеканалына шилтеме кылып билдирди.
Уюштуруучулардын айтымында, INDECLINE деп аталган сүрөтчүлөрдүн жашыруун коомунун бул эмгеги абдан талкууга түшкөн.
Буга чейин аталган коом мындай статуяны Нью-Йорк, Лос-Анжелес, Сан-Франциско, Кливленд жана Сиэтлдин эл көп жүргөн жайларына орноткон.
Трамп буга чейин мигранттарга тап койгон талапкер катары белгилүү. Ал Мексика менен чектешкен аймакка дубал тургузуп, мыйзамсыз жүргөн миллиондогон мигранттарды айдап чыгыш керек деп эл алдында жар салган.
Шайлоо алдындагы талапкерлерге карата жасалган ар кыл дискридитациялоочу ыкмаларды эске салсак, буга жакында эле Хиллари Клинтондун жарым жылаңач эстелигин кошсок болот.
