БИШКЕК, 19-окт. — Sputnik. Нью-Йоркто АКШнын президенттигине талапкер Хиллари Клинтондун жарым жылаңач эстелиги мушташтын себепчиси болгонун РИА Новости New York Daily News гезитине таянуу менен билдирди.
27 жаштагы сүрөтчү Энтони Скиолинин (Anthony Scioli) колунан жаралган айкел шейшемби күнү эртең менен Боулинг-Грин метросунун жанына коюлган. Клинтондун карикатуралык элеси бири-бирине шайкеш келбеген дене мүчөлөрү жана буттун ордуна туяктар аркылуу чагылдырылган. Үстүнө узун көйнөк кийгизилип, денесинен эркек кишинин башы менен колдору көрүнүп турат.
SEE IT: Naked statue of Hillary Clinton in downtown sparks battle https://t.co/HyNKaxQeLm @lebult pic.twitter.com/62CvijE8hy
— NY Daily News Video (@NYDNVideo) 18 октября 2016 г.
Окуя болгон жерге укук коргоо органдарынын кызматкерлери келип, Скиолиден эстеликти алып салууну талап кылган. Полициянын маалыматы боюнча бул боюнча эч ким кармалган эмес.
