БИШКЕК, 22-окт. — Sputnik. Муфтият менен ИИМдин кызматкерлери катышкан "Жаштар экстремизмге жана терроризмге каршы" аттуу жыйын өттү. Бул тууралуу муфтияттын басма сөз кызматы билдирди.
Жыйынга шаар казысы Маджитов Садридин ажы, Бишкек ШИИБдин орун басары Сталбек Рахманов жана дин таануучу Кадыр Маликовдор катышты.
"Милиция кызматкерлери жума күндөрү мечитке барып, жарым сааттык шарият баяндарын угуу менен руханий азык алса болот. Аны менен бирге тартипке да көз саласыңар", — деди Садридин ажы.
Ал өз сөзүндө учурдагы диний экстремизмдин алдын алууда имамдардын орду жогору экендигин баса белгилеп, тартип сакчыларын имамдар менен тыгыз иштешүүгө чакырды.
Ал эми калган катышуучулар өз пикирлерин билдирип, иш-чара суроо-жооп менен коштолду.
