БИШКЕК, 11-окт. — Sputnik. Кыргыз футболчулары түркмөн оюнчуларын 1:0 эсебинде утуп алды.
12 Тогуздун айы 2016, 00:41
Оюндун башталары менен эле кызуу таймаш башталып, алгач КР командасынын дарбазачысы ажат ачып, демилгени улуттук команда колго алса, атаандаш бир топ кооптуу жагдайларды түздү.
Экинчи тайм биринчиге караганда тынч өттү, ал эми оюндун 68-мүнөтүндө Темирлан Козубаев атаандаштын дарбазасына гол киргизип эсепти ачты.
Андзан кийин да оюн курч мүнөздө өтүп, бирок кыргызстандык команда артыкчылык көрсөтө алды. Натыйжада беттешүүү 1:0 эсеби менен кыргызстандык команданын пайдасына чечилди.
Бул беттешке команданын башкы машыктыруучусу Александр Крестинин 23 оюнчуну чакырган. Оюнга негизги курамдагы беш футболчу катышкан жок. Алар: Валерий Кичин, Азамат Байматов, Даниэль Тего (бардыгы коргоочулар) жана жарым коргоочулар Ахлидин Исраилов менен Антон Землянухин.
FIFA рейтингинде КР курама командасы 108-орунда болсо, түркмөндөр 116-сапта.
Бул беттеш расмий статуска ээ, андыктан анын жыйынтыгы FIFA рейтингине таасир берет.
