БИШКЕК, 11-окт. — Sputnik. БШК жергиликтүү кеңешке шайлоо учурунда интернет-басылмалар менен кызматташуу боюнча меморандум түзө турганын Борбордук шайлоо комиссиясынын мүчөсү Атыр Абдрахматова мекеменин жыйынында билдирди.
Эскерте кетсек, 11-декабрь күнү 405 аймакта жергиликтүү кеңеш шайлоосу өтөт.
БШК шайлоо өнөктүгүн чагылдыруу боюнча ЖМКларды аккредитациялоо маселеси көтөрүлгөнүн, жалпыга маалымдоо каражаттарына кирбеген электрондук басылмалар тууралуу да сөз болгонун белгиледи.
"Мыйзам аталган басылмаларды ЖМКнын катарына кошпойт. Андыктан алар шайлоо өнөктүгүнө меморандум аркылуу катышууга укук алат", — деди Абдрахматова.
Ал меморандум түзүү салтка айланып калган көрүнүш экенин кошумчалады. Электрондук басылмалар башка ЖМКлардай баасын өкмөттүк гезиттерге жарыялабастан, өз сайтына жайгаштыруусу жетиштүү болуп саналат.
