БИШКЕК, 11-окт. — Sputnik. Октябрь айындагы Эл аралык эксперттик уюмдун аналитиктери тарабынан жүргүзүлгөн рейтингде алтындын кору боюнча Кыргызстан 83-орунга ээ болду.
Бул рейтингге ири баалуу металлдардын запасына ээ болгон 100 гана өлкө кирген. Эксперттердин маалыматына ылайык Кыргызстан бүгүнкү күндө 4,4 тонна алтынга же жалпы алтын-валюта фондусунун 9,2 пайызына ээ.
КМШ өлкөлөрүнүн ичинен ири алтын кармоочу болуп жалпы рейтингде 6-тизмеге илинген Россия аталды (1525,1 тонна). 2-орунда 244 тонна баалуу металлы менен 21-саптагы Казакстан турат. КМШ өлкөлөрүнүн ичинен үчүнчү орунга Белоруссия ээ болду, ал жалпы эсептөө боюнча 48-сапта турат (40,5 тонна).
Рейтингдин лидерлери:
- АКШ —8133,5 тонна
- Германия — 3378,2 тонна
- Италия — 2451,8 тонна
- Франция — 2435,8 тонна
- Кытай — 1833,5 тонна
- Россия — 1526,1 тонна
- Швейцария — 1 040 тонна
Алтын боюнча Бүткүл дүйнөлүк кеңеш (World Gold Council) — негизги өндүрүшчүлөр тарабынан дүйнө жүзү боюнча суроо-талапты стимулдаштыруу максатында 1987-жылы негизделген уюм.
