БИШКЕК, 22-сен. — Sputnik. Референдум өткөрүү боюнча мыйзам долбоору экинчи окууда жактырылды.
22 Аяк оона 2016, 12:47
"КРдин референдум өткөрүү боюнча" мыйзам долбооруна ылайык, Конституцияны өзгөртүүнү демилгелөө үчүн чогултулушу керек болгон 300 миң кол 10 миңге азайтылып, демилге көтөрүү укугуна мындан ары президент эмес, өкмөт ээ болот. Мындан сырткары, буга чейин референдумдун жыйынтыгын атайын комиссия чыгарса, ал процедура эми БШКга берилет. Ошондой эле референдумга коюлган маселеге каршы же колдоо иретинде үгүт иштерин жүргүзүүгө уруксат берилет.
Аталган мыйзам долбоорго 98 эл өкүлү макул деген добуш берсе, 6 депутат каршы чыкты.
Аталган маселе каралып жатканда КСДП фракциясынын депуттары менен "Ата Мекендин" эл өкүлдөрү ортосунда кайым айтышуу болуп, Аида Салянова менен Наталья Никитенко мыйзамды долбоорун артка кайтаруу керектигин айтып чыгышкан. Анткен менен Иса Өмүркулов жана Төрөбай Зулпукаровдор эч кандай мыйзам бузуу болбогондугун айтып, демилге добуш берүүгө жөнөтүлгөн.
