БИШКЕК, 22-сен. — Sputnik. Евразиялык экономикалык комиссия Кыргызстандын ишканаларына тийиштүү өлчөмдөгү мунай жана мунай өндүрүмдөрүн россиялык биржадагы тооруктарга катышуу боюнча кеңеш берүүнү сунуштады. Бул туурасында аталган комиссиянын басма сөз кызматы кабарлады.
"Биржага катышуу мунай өндүрүмдөрүнүн өткөрө турган баасын төмөндөтүп, ал эми Кыргызстандагы мунайды кайра иштетүүчү заводдордун кубаттуулугун камсыздайт. Кыргыз ишканалары жана россиялык биржанын өкүлдөрүнүн сүйлөшүүлөрү үчүн өз тарабыбыздан Евразиялык комиссиянын аянтчасын сунуштайбыз" – деди ЕЭК министри Адамкул Жунусов.
Электр энергиясын соодалоо үчүн министр кыргызстандык ишканаларды Казакстандын электр энергия жана кубаттуулук рыногунун операторунун аянтчасына чыгууну да сунуштады.
Евразиялык экономикалык комиссия – 2012-жылы 2-февралда ишин баштаган. Евразиялык экономикалык биримдиктин улуттар үстүнөн жөнгө салчу туруктуу иш жүргүзчү орган. Курамына Армения, Белоруссия, Казакстан, Кыргызстан жана Россиянын өкүлдөрү кирет. Евразиялык экономикалык комиссиянын коллегиясына Тигран Саркисян төрагалык кылат.
