БИШКЕК, 21-сен. — Sputnik. Жогорку соттун алдындагы соттук департамент унаа сатып алуу үчүн тендер жарыялады.
Мамлекеттик сатып алуулар порталына жарыяланган маалыматка караганда департамент бир жол тандабас менен Sedan үлгүсүндөгү унааны сатып алуу үчүн 22 миллион 410 миң сарптоого даяр.
Жеңил унааларды кайталап сатып алуу Мамлекеттик мүлктү башкаруу фондусу жана Финансы министрлигинин уруксаты менен ишке ашканы жатат.
Мындай чыгымдар "Соттук системаны өнүктүрүү" мамлекеттик программасынын алкагында ишке ашып жатканы белгиленген.
Тендер 20-сентябрда жарыяланып, мөөнөтү үстүбүздөгү жылдын 12-октябрында аяктайт.
