БИШКЕК, 21-сен. — Sputnik. Кыргызстандын коммерциялык банктары "Эстеликтер эсибизде сакталуу" аттуу эстафета башташты. Бул тууралуу "Росинбанктын" сайтында айтылат.
Маалыматка ылайык, мекеменин кызматкерлери Бишкекте, Ошто жана Караколдо ишембилик өткөрүштү.
10 Аяк оона 2016, 11:40
Бишкекте тилчи, түрколог Константин Юдахиндин, Ошто Курманжан датканын эстеликтери иретке келтирилип, Караколдо жазуучу Александр Пушкиндин эстелигинин айланасы тазаланды.
Акциянын башкы максаты —Кыргызстандагы эстеликтерди тазалап, айланасын жашылдандыруу болуп саналат. Акциянын шартына ылайык бир банктан экинчи бир банкка эстафета өткөрүлөт.
Эстафетаны кабыл алган банк каалаган бир эстеликти тандап, иретке келтирип бүткөндөн кийин башка банкка кезекти өткөрүп берет.
Буга чейин аталган акцияга 8 банк катышты.
