Бишкекте айтылуу "Алга" менен "Кайрат" командаларынын беттешет

БИШКЕК, 21-сен. — Sputnik. Бишкектеги Дөлөн Өмүрзаков атындагы стадиондо Фрунзенин "Алга" жана Алматынын "Кайрат" командаларынын жолдоштук беттешүүсү өтө турганын КРдин Футбол лигасы кабарлады.

Ардагерлердин оюну ХХ кылымдын мыкты футболчусу, СССР спортунун чебери Юсуп Мусаевдин 80 жылдыгына карата уюштурулуп жатат. 

"Алга" командасы Борис Подкорытовдун жетекчилиги алдында ойнойт. Беттешүү ишемби күнү, 24-сентябрда өтүп, саат 15.00дө башталат. Кирүү акысыз", — деп айтылат билдирүүдө.

Аталган беттештеги "Алга" клубунун курамы: Юсуп Мусаев, Дамир Бибаев, Георгий Шевченко, Борис Стрельцов, Михаил Тягусов, Мажит Кожанов, Алмазбек Чокморов, Владимир Орешин, Нематжан Закиров, Камол Тойчиев, Замир Жумагулов, Раис Батраев, Меклис Кошалиев, Аркадий Махмутов.

1947-жылы Фрунзе шаарында "Зенит" аталышындагы футболдук команда куралган. Алар бир канча ирет атын өзгөртүп отуруп, 1961-жылы "Алга" деген атка токтогон. Аталган клуб 1967-жылы СССРдин биринчи лигасында 3-орунду алган. 

Алматынын "Кайрат" клубу болсо 1954-жылы куралган. Ал Казакстандын атынан СССРдин лигасында ойногон жалгыз клуб болуп саналат.