Ош: Исхактын апасы үй-бүлөнүн тагдыры элге шардана болуп кеткенине өкүнүүдө

© Sputnik / Андрей Стенин / Медиабанкка өтүүКыйналып жашаган үйбүлөнүн архивдик сүрөтү
Кыйналып жашаган үйбүлөнүн архивдик сүрөтү - Sputnik Кыргызстан
Жазылуу
Эмгек жана социалдык өнүгүү министри сүрөтү соцтармакта кызуу талкууга алынган үч жашар баланын энеси менен жолукту.

БИШКЕК, 20-сен. — Sputnik. Картондо уктап калган жеринен сүрөткө тартылып калган үч жаштагы Исхактын апасы Зулфия Алтымышова анын жашоосу көпчүлүктүн көңүл чордонуна түшүп калганына нааразычылыгын билдирди. Бул тууралуу Эмгек жана социалдык өнүгүү министрлигинин маалымат кызматы кабарлады. 

Президент Аламазбек Атамбаевдин архивдик сүрөтү - Sputnik Кыргызстан
Президент Исхактын үй-бүлөсүн турак-жай менен камсыздоону тапшырды
Шейшемби күнү министр Кудайберген Базарбаев Япония элчиси менен Ошту кыдырып жүргөн сапарын токтотуп Алтымышова менен жолуккан. Аял эмне себептен мындай оор турмушка кабылганын айтып берген. 

27-жаштагы келиндин айтымында, ал Кара-Сууга Кадамжайдан келген. Ал жактагы туугандары чогулуп үй салып бере баштаганда ортодо түшүнбөстүктөр жаралып, эки баласы менен кетип калган.

Батирге чыккандан кийин 6-август күнү Мээрим аттуу кыздуу болуп, ошондон бери үйдөн чыккан эмес. 

"Баласы сүрөткө түшүп калган күнү тааныштары келинди жарым күнгө базарга отуруп бер деп суранышыптыр. Зулфия балдарын өзү менен кошо алып алган. Учурда баласынын жерде уктап калганына жол бергени үчүн абдан өкүнөт", — деп айтылат билдирүүдө.

Алтымышова жергиликтүү бийликке көрсөткөн жардамы жана документтерин — паспорт менен балдардын күбөлүгүн калыбына келтирип бергендери үчүн ыраазычылык билдирди. 

Бирок учурда келин анын жеке жашоосу минтип элге шардана болуп кеткенине кейип турган чагы.

"Кайраттуу аял экен. Катачылыгы үчүн кечирим сурады. Жыл башынан бери оор жашоого кабылган 4,5 миң үй-бүлө аныкталды. Бутуна туруп кетсин деп жардам берип жатабыз. Мындан тышкары, вице-премьер Гүлмира Кудайбердиеванын жетекчилиги менен 2027-жылга чейин үй-бүлөнү жана балдарды коргоо боюнча комплекстүү программаны иштеп чыгуудабыз. Анда жогорудагыдай кырдаалдын алдын алууга багытталган мекемелердин функциялары камтылган", — деди министр.

Базарбаев үй—бүлөгө жайкы жана кышкы кийим-кече, азык-түлүк ала келген. 

Facebook социалдык тагмагынан тартылган сүрөт. Картондо уктап жаткан 3 жашар Исхак - Sputnik Кыргызстан
Ош: Исхак бир айлык бөбөгү менен реабилитациялык борборго жайгаштырылды
Буга чейин соцтармакта Оштогу "Кара-Суу" базарында картондо уктаган баланын сүрөтү кызуу талкууга алынган. Sputnik Кыргызстан агенттигинин кабарчысы үй-бүлөнү таап, баланын апасы базарда иштей турганын аныктаган

Аял оор турмушта жашарын айтып, жолдошу жумуш издеп Бишкекке кеткен боюнча үй-бүлөсүн "унутуп калганын" кошумчалаган. Президент Алмазбек Атамбаев жергиликтүү бийликке абалды териштирүүнү тапшыргандан кийин аялдын паспорту, ал эми балдардын туулгандыгы тууралуу күбөлүктөрү жок экени белгилүү болгон.

Жаңылыктар түрмөгү
0