БИШКЕК, 19-сен. — Sputnik. Президент Аламазбек Атамбаев картондо уктаган Исхак Үсоновдун үй-бүлөсүнө турак-жай берүү тапшырмасын бергенин өлкө башчынын маалыматы кызматы билдирди.
Буга чейин соцтармакта Ош облусундагы болжол менен Кара-Суу базарында картондун үстүндө уктап жаткан баланын сүрөтү талкууга алынган. Кийинчерээк ал баланын аты Ихсак экени, апасы Зулфия Үсөнованын төрт баласы бар экени аныкталган. Мындан сырткары, үй-бүлөнүн жашаган жери жана документтери жок болгону белгилүү болгон.
Эске сала кетсек, Исхактын үй-бүлөсүнө өкмөт тараптан да материалдык жардам көрсөтүлгөн.
Президенттин тапшырмасынын аткарылышына вице-премьер Гулмира Кудайбердиева жана өкмөттүн Ош облусундагы өкүлү Таалайбек Сарбашевге жооптуу болмой болду.
Мындан сырткары, президент өлкө боюнча эне-бала укуктарынын корголушун талдап чыгууну тапшырды.
