Алмагүл Нурбаева: 4 тонна помидорум жарабай калды
Нааразы болгондордун бири, дүңүнөн соода кылган Аламгүл Нурбаева базарга кире албай калганынан улам Таластан алып келген төрт тонна помидору жараксыз болуп калганын айтат.
"Насыянын акчасын төгүшүм керек эле. Бирок эртең менен милиция кызматкерлери помидор салынган унааны базарга киргизбей коюп, ал жарабай калды. Кредит менен эле жашап жатабыз да. Өкмөттөн бир тыйын албайбыз, өз тиричилигибизди өзүбүз кылсак да ушундай кырдаалга кабылдык", — деди соодагер.
Нурбаева "Тешик-Таш" базарын көчүрө турган жерде соода кылууга эч шарт жоктугун белгиледи.
Эскерте кетсек, аялдын өмүрүнө забын болгон унаанын айдоочусу эки айга камакка алынды.
