БИШКЕК, 15-сен. — Sputnik. Кыргызстандык бийчилер Москвада өткөн "Олимп кубогу — 2016" эл аралык турниринде алтын медаль алганын КРдин Бий спорту боюнча федерация билдирди. Мелдеш 10-11-сентябрда өткөн.
Маалыматка ылайык, Juniors 2 C class категориясынын WDSF стандарт бөлүмү боюнча Никита Герасименко менен Кристина Мельникова алтын медалга ээ болуп, кубокту алышкан.
Мелдешке Польша, Германия, Белоруссия сыяктуу 15 мамлекеттен 150 жуп катышкан.
Кыргызстандык ушул эле жуп WDSF латина категориясынын финалдык беттешинде үчүнчү орунду алган.
