БИШКЕК, 25-авг. — Sputnik. Тажикстан Рио-де-Жанейродо өткөн Олимпиада оюндарынын жыйынтыгында спортчулардын санына карата тийген медалдын көптүгү боюнча АКШдан да алдыга чыкты.
Рейтингди америкалык New York Times басылмасы түзүп, андагы маалымат medalspercapita.com сайтына жарыяланды.
Рейтингдин авторлору ар бир командага бир алтын үчүн төрт упай, күмүш үчүн эки жана коло медаль үчүн бир упай берип эсептешкен.
Буга байланыштуу коңшу өлкөнүн командасы төрт упайга ээ болду. Бул упайды Олимпиадага барган жети спортчуга бөлгөндө 0,57ден тийген. Мындай коэффициент Олимпиада оюндарына катышкан өлкөлөрдүн бардыгын артта калтырды.
Экинчи орунда 0,53 коэффициентке ээ болгон АКШ курама тобу турат. Ал эми үчүнчү орунду 0,50 упай топтогон Азербайжан, Косово жана Иордания бөлүп алышты.
Ошентип, Назаров Тажикстандын эгемендүүлүк алгандан берки алтын медаль уткан биринчи спортчусу болуп калды.
