БИШКЕК, 15-авг. — Sputnik. Кытай менен Бириккен Араб Эмираттарындагы компаниялар Жогорку Нарын каскадындагы ГЭС менен Камбар-Ата ГЭС-1дин курулушуна кызыгып жаткандыгы тууралуу Улуттук энергохолдингдин маалымат кызматынан кабарлашты.
Жакынкы аралыкта президент Алмазбек Атамбаев ири гидроэлектрстанцияларды курууга инвесторлорду издөө тапшырмасын берген.
"Кытай, Европа жана Бириккен Араб Эмираттарындагы компаниялар Жогорку Нарын каскадындагы ГЭС менен Камбар-Ата ГЭС-1дин курулушуна кызыгып жатышат. Азырынча компаниялардын аталышын айта албайбыз. Учурда сүйлөшүү жүрүп жатат. Кызматташуу кайсы түрдө жүрөрү талкууланууда", — деп айтылат маалыматта.
Жогорку Нарын каскадындагы гидроэлектрстанциясынын курулуш иштери кыргыз-орус өкмөттөр ортосундагы келишимге кол коюлгандан кийин, 2012-жылдын 20-сентябрынан соң башталган. ГЭСтин кубаттуулугу 237 мегаватты түзөт деп болжолдонгон.
Анда президент Кыргызстан келишимден чыгып, жаңы инвесторлор изделиши мүмкүн экенин билдирген. Буга ылайык өкмөт келишимди денонсациялоого аракетттерди көрүп баштаган. Келишимди денонсациялоо боюнча жарлыкка президент үстүбүздөгү жылдын 22-январында кол койгон.
Жогорку Нарын каскад ГЭСин куруу үчүн документация иштерине 800 миллион сом корогонун "Жогорку Нарын ГЭС" ЖАКтын башкармалыгынын төрагасы Александр Варнаев Жогорку Кеңештин атайын комиссиясынын жыйынында билдирген.
