БИШКЕК, 15-авг. — Sputnik. Бразилиядагы жайкы Олимпиадада грек-рим күрөшү боюнча 5-орунду ээлеген балбан Арсен Эралиев мамлекеттен 1 миллион сом сыйлык алат.
15 Баш оона 2016, 09:30
Эске сала кетсек, 59 килограмм салмакта килемге чыккан балбан Арсен Эралиев алгачкы эле кармашында кубалык спортчуга утулуп калган. Ал эми кубалык спортчу финалга чыккандыктан, Эралиев коло медаль үчүн күч сынашууга укук алган эле.
Кытайлык спортчуну жеңип, коло медаль үчүн болгон кармашта Арсен Эралиев өзбек балбанына утулуп, 5-орунду ээледи.
Белгилей кетсек, Кыргызстандын куржунунда азырынча бир эле коло медаль бар. Аны оор атлетчи Иззат Артыков жеңип алган.
Балбан Жанарбек Кенжеевдин интервьюсун Sputnik Кыргызстан материалынан окуңуз>>
