БИШКЕК, 2-авг. — Sputnik. Шаршембиде өлкө боюнча күн ачык боло турганын Кыргызгидромет билдирди.
Маалыматка ылайык, Чүй, Талас, Ош, Жалал-Абад, Баткен облустарында жаан-чачын күтүлбөйт, ал эми Ысык-Көл, Нарын облустарында айрым жерлеринде өткүн өтүп, күн күркүрөшү мүмкүн.
Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетиши күтүлөт.
Бишкек жана Ош шаарларында да күн ачык болуп, абанын температурасы 32 градуска чейин ысыйт.
