БИШКЕК, 2-авг. — Sputnik. Бишкек шаары КМШ мамлекеттеринин ичинен россиялык туристтер үчүн эң арзан калаа болгонун RoomGuru.ru сайты аныктап чыкты.
Маалыматка ылайык, рейтинг жыл башынан бери мейманканаларды издөө жана алдын ала ээлөөнүн саны боюнча түзүлгөн.
Бишкек шаары КМШ өлкөлөрүнүн ичинен популярдуулугу боюнча 8-орунда турат.
"Кыргызстандын борбор калаасына россиялыктар орточо эсеп менен эки күнгө келип, мейманканага 1,9 миң рубль төлөшөт. Ал эми КМШнын башка шаарларында үч күнгө 2,9 миң рубль алынат", — деп айтылат рейтингде.
Быйыл россиялык туристтердин арасында Минск, Алматы, Баку, Астана, Ереван, Киев, Ташкент, Бишкек, Витебск жана Кишинев шаарлары чоң кызыгуу жараткан.
Ал эми эс алуу үчүн эң кымбат шаар деп Астана табылды. Ал жакта бир суткага орточо эсеп менен 3,5 миң рубль керектелет.
