БИШКЕК, 27-июл. — Sputnik. Ереванда Тез жардам кызматынын дарыгерлерли барымтага алынды. Бул тууралуу Sputnik Армения агенттиги билдирди.
Шаршембиге караган түнү Армениянын борбору Ереванда "Сасна црер" куралдуу тобу менен полиция кызматкерлеринин ортосунда атышуу чыгып, андан үч адам жабыркаган.
"Атышуудан улам жабыркагандарга жардам көрсөтүү максатында барган Тез жардамдын дарыгерлерин куралдуу топ барымтага алды", — деп айтылат маалыматта.
Полиция кызматкерлери барымтадагы адамдарды бошотуу боюнча сүйлөшүүлөрдү жүргүзүшүүдө.
17-июлда эртең менен Армениянын борбору Ереван шаарынын Эребуни аймагындагы полициянын имаратын куралчан топ басып алган. Алар камакка алынган Армениянын "Учредительный парламент" оппозициялык жарандык демилгесинин координатору Жирайр Сефилянды бошотууну талап кылышкан.
