БИШКЕК, 21-июл. — Sputnik. Ош облусунун Алай районунун аймагында эпицентрде күчү 5,5 баллга жеткен жер титирөө катталганын ӨКМдин маалымат кызматы билдирди.
Белгилей кетсек, буга чейин да күчү, 3 жана 3,5 баллга жеткен эки жер титирөө болгон.
Үчүнчү жер титирөө саат 11:29да болгон. Жер титирөөнүн очогу Алай тоо кыркаларында, Бор-Дөбө айылынан 25 чакырым түштүк-чыгышта, Кара-Киндик айылынан түштүк батышты карай 35 чакырым алыстыкта жайгашкан.
Алдын ала маалыматтар боюнча кыйроолор жана жабыркагандар катталган эмес.
