БИШКЕК, 21-июл. — Sputnik. Ош облусунун Алай районунда эпицентринде күчү 3 баллга жеткен жер титиреди. Бул туурасында Өзгөчө кырдаалдар министрлиги Сейсмология институтуна шилтеме берүү менен билдирди.
Маалыматка ылайык, жер титирөөнүн очогу кыргыз-тажик чек арасындагы Алай тоо кыркаларында болгон.
Жер титирөөнүн күчү калктуу конушта — Бор-Дөбө айылында 2 — 2,5 балл сезилген.
Кыйроолор жана жабыр тарткандар жок.
Белгилей кетсек, Алай районунда эки күндүн ичинде эки жолу жер титиреди. 20-июлда дагы кыргыз-тажик чек арасында жер титиреген эле.
