Паралимпиадалык оюндар майыптардын эл аралык спорттук мелдеши. Ал күзүндө Рио-де-Жанейро шаарында өтөт.
БИШКЕК, 20-июл. — Sputnik. Бразилиянын Рио-де-Жанейро шаарында өтө турчу паралимпиадалык оюндарга кыргызстандык үч спортчу катыша турганын Жаштар иши, дене тарбия жана спорт боюнча мамлекеттик агенттиктин маалымат кызматы билдирди.
16-17-июлда Берлин шаарында жеңил атлетика боюнча мелдеште кыргызстандык Арстанбек Базаркулов ядрону түртүп ыргытуу боюнча күч сынашкан.
16-17-июлда Берлин шаарында жеңил атлетика боюнча мелдеште кыргызстандык Арстанбек Базаркулов ядрону түртүп ыргытуу боюнча күч сынашкан.
"Мелдештин жыйынтыгында Базаркулов коло байгеге татып, Риодо болчу паралимпиадалык оюндарга катышууга жолдомо берди", — деп айтылат маалыматта.
Ошентип Рио-де-Жанейро шаарында болчу Паралимпиадалык оюндарга Кыргызстандын атынан Эсен Калиев, Жыргалбек Орозбаев (экөө тең пауэрлифтинг) жана Арстанбек Базаркулов (жеңил атлетика) бара турган болду.
Паралимпиадалык оюндар 7-18-сентябрда өтөт. Жалпысынан спорттун 22 түрү боюнча 528 комплект медаль ойнотулат.
