БИШКЕК, 17-июл. — Sputnik. Куралчан топ Еревандын Эребуни аймагындагы полициянын имаратын басып алышып, карабах кабалаңынын катышуучусу катары камакка алынган "Жаңы Армения" коомдук куткаруу оппозициялык фронтунун лидери Жирайр Сефилянды бошотууну талап кылышууда. Бул тууралуу РИА Новости билдирди.
Имаратка аскерлер тартылды. Полициянын маалымат кызматынын башчысы Ашот Агаронян жакын арада күч түзүмдөрү расмий билдирүү менен чыгарын айтты.
Учурда полиция Эребуни аймагына баруучу бардык жолду жапты.
Армениянын тергөө комитети кылмыш ишинин алкагында бир нече тинтүү иштерин жүргүзгөн. Анын ичинде Сефиляндин батирин тинтүү учурунда компьютер жана башка документтер алынган. Бул кылмыш иши боюнча 10 киши айыпталууда.
Сефилян буга чейин да бийликти күч менен басып алууга чакырык таштаганы үчүн 2006-жылы 10-декабарда кармалып, мыйзамсыз курал-жарак сактаганы үчүн бир жарым жылга кесилген. 2008-жылы эркиндикке чыккан. 2015-жылы 7-апрелде "Учредительный комитет" уюмунун дагы башка төрт лидери менен массалык баш аламандык уюштурууга даярдык көргөн деген шек менен кармалган. Бирок, аны бир айдан кийин коё беришкен.
