БИШКЕК, 13-июл. — Sputnik. Американын мурдагы президенти Жорж Буш Далластагы атышуудан каза болгондордун урматына уюштурулган аза күтүү маалында музыканын ыргагына кармана албай, термеле бийлеп жибергенин РИА Новости агенттиги Hill басылмасына шилтеме берүү менен билдирди.
Буш Американын патриоттук ыры "Республиканын аскерий гимни" (The battle Hymn of the Republic) жаңырган кезде Барак Обаманын аялы Мишелдин жанында туруп термеле бийлеп алган.
Социалдык тармактын колдонуучулары видеого карата түрдүү пикирлерин билдирүүдө. Айрымдары каза болгондорду сыйлабагандык дешсе, экинчилери таасирдүү музыкага чындап эле жай туруу мүмкүн эместигин жазышууда.
АКШнын Луизана жана Миннесота штаттарында полиция эки афроамерикалыкты атып салышкан. Бул өлкө аймагында түрдүү нааразычылыктарды жараткан.
