ТЯНЬЦЗИНЬ, 27-июн. — Sputnik. Кытай Эл Республикасынын премьер-министри Ли Кэцян КРдин өкмөт башчысы Сооронбай Жээнбеков менен болгон жолугушууда Кыргызстанда жакында эле болгон жер титирөөдөн улам өлкөгө жардам берүүгө даяр экенин айтты.
Белгилей кетсек, кечээ Кыргызстанда магнитудасы 6,3 баллга жеткен жер титирөө болго.
Кэцян Кытай жер титирөөдөн улам тынчсызданып жатканын жана анын кесепеттерин жоюуга керек болгон жардамды берүүгө даяр экенин айтты.
Өз кезегинде Жээнбеков эки тараптуу кызматташууга жана пикир алышууга ыраазычылык билдирип, Кытайдын Цзяньсу аймагында жакында эле болгон жаратылыш кырсыгынан жабыркагандарга көңүл айтты.
Белгилей кетсек, премьер-министр баштаган кыргыз делегациясы КЭРдин премьер-министри Ли Кэцяндын чакыруусу менен "Жайкы Давос — 2016" дүйнөлүк экономикалык форумга катышууда.
