БИШКЕК, 26-июн. — Sputnik. Куткаруучулар Карелиядагы Сямозеро көлүндө кырсыкка учурап, 18-июндан бери изделип жаткан жаш баланын денесин табышты. Бул тууралуу Карелиянын расмий интернет-порталы кабарлайт.
Эскерте кетсек, 19-июнда "Парк-Отель Сямозеро" деп аталган ден соолукту чыңдоочу балдар лагерде кайык толкунга кабылган. Куткаруучулар 13 баланын сөөгүн таап, бирөөсүн издөөгө алышкан.
"Карелиянын расмий бийлиги 18-июндан бери изделип жаткан баланын сөөгү табылганын кабарлайт", — деп жазылат маалыматта.
Жекшемби күнү кырсык болгон жерде 51 адамдан турган туристтик топ болгон. Маалыматтарда алардын ичинен төртөө гана чоң киши экени айтылууда. Тергөө комитетинин билдиргенине караганда, лагердин каза болгон тарбиялануучулары 12-14 жаш курагындагы балдар-кыздар болгон. Каза болгондордун арасында бир чоң киши бар.
Белгилей кетсек, аталган кырсык боюнча өлкө башчы Алмазбек Атамбаев Россиянын президенти Владимир Путинге көнүл айткан.
