Казак министринин мигрант кыргыздар тууралуу айтканы боюнча маселе жөнгө салынды

Жазылуу
Буга чейин Арыстанбек Мухамедиулы кыргыз элин капа кылгысы келбегенин айтып, кечирим сураган.

БИШКЕК, 21-июн. — Sputnik. Казакстандын маданият жана спорт министри Арыстанбек Мухамедиулынын чет жакта иштеген мигрант кыргыздар тууралуу айтканы боюнча Кыргызстан менен Казакстан абалды жөнгө салышты. Бул тууралуу Новости-Казахстан агенттиги Казакстандын тышкы иштер министри Ерлан Идрисовго таянуу менен билдирди. 

Россиядагы ЛДПР партиясынын лидери Владимир Жириновский. Архив - Sputnik Кыргызстан
Кыргыз элинин кыжырын кайнаткандар — Жириновскийден казак акындарына чейин
Май айында Казакстандын Маданият жана спорт министри Арыстанбек Мухамедиулынын кыргыздардын кыздары Москвада ажаткана тазалап жүргөнү зээнди кейитет деген кыязда айткандары бир гана кыргыз коомчулугунда эмес, коңшу казакстандыктар арасында да бир катар нааразычылыктарды жараткан. 

Ал ортодо КРдин тышкы иштер министрлиги тарабынан нааразычылык нотасы да жөнөтүлгөн. 

"Маселе жөнгө салынды. Маданият министрлиги абалды түшүндүрүү боюнча расмий кат жарыялады. Арыстанбек Мухамедиулы бизге Орто Азиядагы эң жакын эл болгон кыргыздарды капа кылгысы келген эмес. Ал улуу жазуучу Чыңгыз Айтматов тууралуу айтып, бир тууган элге баа берүү иретинде кеп козгогону бурмаланып кеткен. Мен КРдин тышкы иштер министри менен сүйлөштүм. Кыргыз, казак бир тууган бойдон кала берет", — деди Идирисов. 

Буга чейин Арыстанбек Мухамедиулы кыргыз элин капа кылгысы келбегенин айтып, кечирим сураган.

Жаңылыктар түрмөгү
0