БИШКЕК, 12-июн. — Sputnik. Орландодо болгон терактыдан каза болгондордун саны 50гө жеткенин шаар мэри Бадди Дайер билдиргенин РИА Новости маалымдады.
"Каза болгондордун саны 20 эмес, 50 болду. Дагы 53 киши ооруканага жеткирилди", — деди мэр.
Буга чейин шаардын башкы полициясы Жон Мина түнкү клубда болгон атышуудан каза болгондордун саны 20га жеткенин, 40тан ашык киши ооруканага жаткырылганын билдирген болчу.
Каргашалуу окуя жекшемби күнү 12-июнда Pulse гей-клубунда болгон. Кылмышкер клубга келгендерге ок чыгарып, бир нечесин барымтага да алган.
Окуя болгон жерге полиция, саперлор жана атайын даярдыктагы аскерлер да келген. Ишти иликтөөгө Федералдык иликтөө бюросу жана штаттын укук коргоо органдары тартылган. Полиция кылмышкерди жок кылып, барымтага алынгандарды бошоткон.
