БИШКЕК, 7-июн. — Sputnik. Эртең Кыргызстандын Нарын жана Ысык-Көл облустарынан сырткары дээрлик бардык аймагында күн 30 градустан жогору ысый турганын Кыргызгидромет билдирди.
Маалыматка ылайык, күндүз кээ бир райондордо жаан-жаап, күн күркүрөшү мүмкүн. Батыштан соккон шамалдын ылдамдыгы секундасына 4-9 метрден, айрым жерлерде 14 метрге чейин жетет.
Бишкек шаарында күн 34 градуска чейин ысыса, Ош шаарында 35 градус жогору болот. Таласта 34 градус, Баткенде жана Жалал-Абадда 35 градуска чейин ысыйт. Ал эми Нарында 29 градус, Ысык-Көлдө 26 градус ысык болот.
