БИШКЕК, 7-июн. — Sputnik. Футбол боюнча Иран — Кыргызстан жолдоштук беттеши Тегеран шаарында өтмөй болду. Бул тууралуу КРдин Футбол федерациясы билдирди.
Буга чейин ФИФА расмий сайтына Иран менен Кыргызстан командаларынын оюну Карадж шаарында өтөрүн кабарлаган.
Ирандын Футбол федерациясы өзгөртүүлөрдү киргизип, беттеш Тегеран шаарындагы "Азади" стадионуна которулганын билдирди. Оюн бүгүн, 7-июнда Бишкек убактысы боюнча 22:30да болот.
Өзгөрүүлөр эмнеден улам болгондугун Иран тарап тактаган жок.
