Орозо кармоочулар 6-июндун таңында ооз бекитет

Жазылуу
Yandex newsTelegram
Муфтийдин орун басары азыркы обсерваториялардын болжолдуу түрдө берген маалыматы боюнча орозо 29 күнгө созуларын айтты.

БИШКЕК, 5-июн. — Sputnik. Бүгүн кечинде таравих намазы окулат да, эртең, 6-июнда таң менен орозо башталып, ооз бекитилет. Бул туурасында Кыргызстан мусулмандарынын Дин башкармалыгынын Фатва бөлүмүнүн башчысы Равшан ажы Эратов Sputnik Кыргызстан маалымат агенттигине кабарлады.

"Өзбекстан, Казакстан, Россия,Тажикстан жана Түркия кошулуп, биздин аймактагы бардык Борбор Азия мамлекеттери 6-июнда орозонун башталарын белгилегени турушат. Бүгүн кечинде таравих намазы окулат да, саат 03төн 10 мүнөт өткөндө ооз бекитилет", — деди Эратов.

Анын айтымында, орозонун 29 күн болорун бир катар обсерваториялар билдиришти. 

"Азыркы обсерваториялардын болжолдуу түрдө берген маалыматы боюнча орозо 29 күнгө созулары айтылууда", — деди Эратов. 

Эратов буга жараша орозо июндун алтысында башталса, ал эми Орозо айт майрамы 5-июлга туш келерин кошумчалады.

Орозо (Рамазан) айы мусулмандар үчүн ыйык деп эсептелип, Ислам дининин беш негиздеринин бири болуп саналат. Күн чыккандан күн батканга чейин орозо кармагандар оозуна тамак албай, суу ичпейт.

Ыйык Рамазан айында ооз бекитүү (имсак) жана ооз ачуу (ифтар) убактысы кандай экенин Sputnik Кыргызстан агенттигинин инфографикасынан караңыздар>>

Жаңылыктар түрмөгү
0