БИШКЕК, 5-июн. — Sputnik. Америкалык ырчы жана актриса Уитни Хьюстондун музыкалык сыйлыктары менен жеке буюмдары аукцион аркылуу сатыла турганын РИА Новости агенттиги Heritage сайтына шилтеме берүү менен билдирди.
Беверли-Хиллздеги (Калифорния штаты) Heritage үйүндө 24-25-июнда ырчыга 1986-жылы берилген "Эмми" статуэткасы коюлат. Андан сырткары ырчынын гастролдо кийген кийимдери жана башка жеке буюмдары да сатып алуучулардын назарына сунушталат.
Белгилүү ырчы Уитни Хьюстон 2012-жылы 12-февралда Беверли-Хиллздеги Beverly Hilton мейманканасында каза болгон.
