Али бала чагынан эле бокс менен машыгып баштаган.
Эмгек жолу:
- 1959 — АКШнын Олимпиада боюнча курама командасына кошулган;
- 1960 — Римде өткөн Олимпиада оюндарында жеңүүчү аталып, андан соң профессионалдык бокска өткөн;
- 1963 — Мухаммед Али Даг Жонсту утуп, бул кармаш "жылдын беттеши" деп таанылган;
- 1964 — Али мушкер Сонни Листонду жетинчи раундда утуп, алгачка чемпиондук курун алган. Ушул жылы ислам динин кабыл алып, Кассиус Марцеллиус Клей деген атын Мухаммед Али деп өзгөрткөн;
- 1967 — АКШнын Вьетнам менен болгон согушунуда аскерге чакырылган. Анткен менен мушкер аскерге баруудан баш тартып, соттун чечими менен беш жылга абакка кесилип, наамдары алынган. 1970-жылы Жогорку сот мушкерди актаган чечим чыгарып, ал рингге кайтып келген;
- 1978 — Али керьерасын аяктоо үчүн акыркы беттешин Леон Спинкс менен өткөрүп, тилекке каршы утулуп калган. Ушул эле жылдын 15-сентябрында Али Спинксти реваншга чакырып утуп алган. Бул беттештен соң бокстан кеткен;
- 1980 — Каржы тартыштыгынан улам мушкер кайрадан рингге кайтып келген. Ал жөн гана жеңилип берүүсү керек эле. Ошентип Али Ларри Холмс менен Тревора Бербикага акча үчүн утулуп берген. Ошону менен мушкер бокстан биротоло кеткен;
Көп өтпөй Мухаммед Али паркинсон илдетине чалдыккан;
1996 — Атлантадагы Олимпиада оюндарында отту алып чыккан;
Мохаммед Али — Олимпиада оюндарынын жеңүүчүсү, оор салмакта дүйнөнүн абсолюттук чемпиону (1964-1966, 1974-1978), WBC версиясы боюнча дүйнө чемпиону (1974-1978), WBA версиясы боюнча дүйнө чемпиону (1967, 1974-1978, 1978). "Ринг" журналы беш ирет "Жылдын мушкери" атаган (1963, 1972, 1974, 1975, 1978). Мындан сырткары аталган журнал Алини "Он жылдыктын мушкери" атаган (1970). 1999-жылы Sports Illustrated менен BBC Алини "Кылымдын спортчусу" атаган.
2016-жылдын 3-июнунда Мухаммел Али АКШда каза болду.
