БИШКЕК, 8-май — Sputnik. 9-майда Кыргызстанда күн күркүрөп, жаан жаайт. Айрым жерлерде кар жаашы күтүлөт. Бул тууралуу Кыргызгидромет билдирди.
Маалыматка ылайык, бийик тоолуу аймактардагы автожолдор тоңголок, тайгак болуп, батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге чейин жетет.
Бишкекте күн күркүрөп, жаан жайт. Түнкүсүн 15 градуска чейин жылуу болсо, күндүз абанын температурасы 22 градуска чейин көтөрүлөт. Ош шаарында да жаан жаап, түнкүсүн 16, ал эми күндүз 26 градуска чейин жылуу болот.
Кыргызгидромет 9-майдан 11-майга чейин туруксуз аба ырайы сакталып, катуу жаан жаай турганын эскертет.
