БИШКЕК, 11-апр. — Sputnik. Апрель айынын башынан тарта өлкө боюнча баңгизатка байланыштуу жети кылмыш иши аныкталып, жалпы жонунан 56 килограмм баңгизат алынган. Бул тууралуу баңгизатка каршы мамлекеттик кызматы билдирди.
Маалыматка ылайык, анын 45 килограммы афган героини болсо, 10 килограммы нашаа жана 1,7 килограммы марихуана экени аныкталган.
Мында баңгизат менен алектенген уюшкан кылмыштуу топтун лидерлери менен активдүү мүчөлөрүнө кылмыш иши козголуп, анын алкагында кылмышка тиешеси барлар аныкталууда.
