БИШКЕК, 4-апр. — Sputnik. Өткөн апта ичинде жалпы жонунан 7,8 килограмм баңгизат алып жүргөн үч жаран кармалганын Баңгизатка каршы күрөшүү мамлекеттик агенттиги билдирди.
Маалыматка ылайык, жалпы көлөмдүн 1,7 килограммы гашиш болсо, 7,3 килограммы марихуана экени аныкталган. Болжол менен "табылганын" баасы 200 миң сомдон ашкан.
Мында Жети-Өгүздүн Тилекмат айылынын 52 жаштагы тургунунун короосунан 4,1 килограмм марихуана табылса, Түптүн Кутургу айылынын 40 жаштагы жашоочусунун үйүнөн кызматтык ит 2,7 килограмм марихуана алып чыккан. Ошол эле мезгилде Аламүдүндүн Молдовановка айылынан 64 жаштагы Нарындын тургуну кармалып, андан бир килограммга чукул гашиш табылган.
Аталган фактылар боюнча кылмыш иштери козголуп, ага тиешеси бар адамдарды аныктоо максатында бир катар иш-чаралар көрүлүүдө.
