БИШКЕК, 28-мар. — Sputnik. Standard & Poor's (S&P) эл арадык рейтинг агенттиги Кыргызстандын "B/B" деңгээлиндеги узак жана кыска мөөнөттүү көз карандысыз рейтингин тастыктады.
Агенттик муну менен өлкө экономикасынын туруктуу болушун божомолдоп, бирок терс жагдайлар өкмөттүн карызды жабуусуна таасир тийгизиши мүмкүн деп эсептейт.
"Кыргызстандын тышкы экономикасы экспорттук базанын туруксуздугу менен Россиядан которулуп келчү акчадан көз карандылыктан улам алсыз бойдон калууда", — деп айтылат билдирүүдө.
Standard & Poor's агенттигинин эксперттеринин эсеби боюнча Кыргызстан бюджетинин таңсыктыгы 2016-2017-жылдары 4,5 пайызга жетиши мүмкүн. Ал эми алдыдагы үч жылда мамлекеттик карыздын көлөмү ИДПнын 70 пайызын түзүшү ыктымал. Салыштыруу үчүн айтсак, 2012-2015-жылдары бул көрсөткүч 55 пайызды түзүп келген.
Standard & Poor’s агенттигинин узак мөөнөттүү рейтингдери өкмөттүн өз убагында карыздан кутуулусун баалайт. Аталган агенттик Moody's жана Fitch Ratings компаниялары менен биргеликте эл аралык рейтинг агенттиктердин алдыңкы үчилтигине кирет.
