БИШКЕК, 23-мар. — Sputnik. Белгилүү кинорежиссер Эрнест Абдыжапаров 55 жылдыгына жана эстрадалык чыгармачылыгынын 45 жылдыгына карата музыкалык кече өткөрөт. Бул туурасында анын кесиптеши Сүйүм Сулайманова билдирди.
4-апрелде Токтогул Сатылганов атындагы улуттук филармонияда режиссердун чыгармачылыгынын күйөрмандары аны менен жолугуп, ырларын уга алышат.
Мындан 45 жыл мурда Абдыжапаров вокалдык инструменталдык " Наристе" ансамблинде барабанчы болуп иштеген. Учурда режиссер кино жаатындагы гана эмес, музыка жаатындагы 100гө чукул чыгармаларды жаратты. Андан сырткары жаз стилиндеги ырларды аткарып келет. "Селкинчек", "Первый кадр", "Боз салкын", "Айыл өкмөтү" жана "Кекеч" кинотасмаларына музыка жазган.
