БИШКЕК, 16-мар — Sputnik. Чыңгыз Айтматовдун повестинин негизинде сахнага коюлган Марат Козукеевдин "Саманчынын жолу" спектакли эң жогорку I даражага ээ болду. Бул тууралуу Маданият, маалымат жана туризм министрлиги билдирди.
Эскерте кетсек, коюлуп жаткан чыгармалардын сапатын жакшыртуу жана театр жамааттарынын ортосунда атаандаштыкты жогорулатуу үчүн даража ыйгарууну депутат Садык Шер-Нияз демилгелеген.
Козукеевдин "Саманчынын жолу" спектаклинин бет ачары февраль айында улуттук драма театрында аншлаг менен өткөн. Министрлик тарабынан түзүлгөн көркөм эксперттик кеңеш спектаклди көрүп чыгып, ага I даража ыйгарды.
Буга чейин министр Алтынбек Максутов спектаклдерге даража берүү жобосу иштелип чыгып, ал 7-8 критерийдин негизинде караларын белгилеген.
