Чек ара кызматы: Өзбекстандан жооп алгандан кийин эмне кылышты чечебиз

© SputnikЖалал-Абад облусунун Ала-Бука районунундагы Кыргызстан менен болгон чек арадагы кызматкерлер.
Жалал-Абад облусунун Ала-Бука районунундагы Кыргызстан менен болгон чек арадагы кызматкерлер. - Sputnik Кыргызстан
Жазылуу
КРдин Тышкы иштер министрлиги Өзбекстанга чек арадагы блок-постторду алуу боюнча нота жөнөткөн. Азырынча эч кандай жооп келе элек.

БИШКЕК, 18-мар. — Sputnik. Өзбек тараптан жооп алгандан кийин эмне кылуу керектиги чечиле турганын Мамлекеттик чек ара кызматанынын төрагасынын орун басары Абдикарим Алимбаев Sputnik Кыргызстан маалымат агенттигине билдирди.

Кыргызстандын Тышкы иштер министрлиги Өзбекстандын элчиси Камил Рошидов жана тышкы иштер министрлигинин статс-катчысы Данияр Сыдыков. - Sputnik Кыргызстан
КР Тышкы иштер министрлиги Өзбекстандан чек араны тез арада ачууну талап кылды
Белгилей кетсек, өзбек тарап Жалал-Абад облусунун Ала-Бука районунундагы Кыргызстан менен болгон чек арасына зооттолгон эки транспортту жана КамАЗ үлгүсүндөгү эки автоунаа коюшкан. 18-мартта Өзбекстан тарап бир жактуу негизде "Маданият" көзөмөл өткөрүү жайын жапкан.

Өзбекстандын Улуттук коопсуздук кызматынын Чек ара комитети Нооруз майрамына көрүлгөн даярдыктан улам, чек араларын бир тараптуу бекемдегенин билдирген. КРдин Тышкы иштер министрлиги Өзбекстанга чек арадагы блок-постторду алуу боюнча нота жөнөткөн. Алимбаевдин айтымында, учурда абал тынч, аталган жолдон эл ары-бери каттап жатат.

"Аталган тилкеде эки мамлекеттин чек арачылары турат. Өзбекстан чек араларын бир тараптуу бекемдеп жатканы боюнча бизге кабар берген эмес. Өзбекстандан жооп алгандан кийин эмне кылышты чечебиз ", — деди ал.

Окуя болгон жерге Мамлекеттик чек ара кызматынын төрагасы Таалайбек Усубалиев жөнөп кеткенин Алимбаев кошумчалады.

Жаңылыктар түрмөгү
0