Өзбекстан Кыргызстан менен болгон чек арага зооттолгон транспортту жайгаштырууда

Жазылуу
Yandex newsTelegram
Буга чейин өзбек тараптын демилгеси менен чек арадагы айрым өткөрүү пункту жабылган болчу. Аталган жагдай боюнча эки тараптын өкүлдөрү сүйлөшүүнү баштады.

БИШКЕК, 18-мар. — Sputnik. Өзбек тарап Кыргызстан менен болгон чек арасына эки зооттолгон транспортту жана КамАЗ үлгүсүндөгү эки автоунаану коюшту. Бул тууралуу мамлекеттик чек ара кызматынын маалымат кызматы билдирди.

Ага ылайык, 18-мартта Өзбекстан тарап бир жактуу негизде "Маданият" көзөмөл өткөрүү пунктун жапкан. 

Баткен: чек аранын жака-белинде жашаган окуучуларга түшүндүрүү иштери жүргүзүлүүдө
Ошондой эле, чек ара кызматынын билдиришинче, чек арада Өзбекстандын 35-40тай жоокери турат.

Бул жагдайдан улам Могол аймагында кыргыз тараптын демилгеси менен Кыргызстан менен Өзбекстандын чек ара кызматынын өкүлдөрүнүн сүйлөшүүсү башталды.

Ал эми "Достук" көзөмөл өткөрүү пунктунан өткөн жарандарга жана автоунааларга өзбек тарап чектөө киргизди. Кыргызстандын жарандарына Өзбекстандан чыгууга уруксат берилип, бирок кирүүгө тыюу салынды. Ал эми өзбек жарандарынын Кыргызстанга кирип-чугуусуна чектөө киргизилген жок. 

Өз кезегинде кыргыз тарап "Баймак", "Кең-Сай" жана "Кадамжай" көзөмөл өткөрүү пунктарынан өткөн өзбекстандык жарандарга жана автоунааларды өткөрүүгө тыюу салганын чек ара кызматы кошумчалады.

Жаңылыктар түрмөгү
0